Black Holes An Revolutions
An orange nimbus rises, defyin aa rational thocht
declares he kens athin, makkin speeches
aboot neckin fish tunk cleaner an injectin bleach,
deformin peer humans intae a mass o stupidity,
bilin athin he dis wrang doon tae fake news, fan
he’s fuck-all bit a supermassive orange bam.
Errs nae point
in tryin tae makk sense o summin
it disna mak sense avva, so dinna waste yer time spawnin
a black hole o yer ain makkin
leavin aa the tabs open, so there’s nae escapin fae yer ain thinkin,
tryin tae determine meanin
fae the debris that spoots oot the mooth
o the supermassive orange bam.
He’s a puff heided eejit wae nae remorse,
suckin in athin, blawin oot nithin,
atein up yer sanity, nae point in arguin,
steer clear o his event horizon,
takk athin he blurts wae a pinch o salt,
jist bein sarcastic, wisna his fault
ca canny yer rage an try tae bide calm –
it’s a recht sare fecht wae
the supermassive orange bam.
Jo Gilbert is a writer and spoken word artist from Aberdeen. Jo has won multiple poetry slams, including StAnza 2018 and hosted the first Doric Slam in 2019. Published in Northwords Now and two Federation of Writers Scotland Anthologies.
