New BoJos and AntiDemocracies: W.N. Herbert

Rogues Reparcelled

(After Burns, and for Ian Duhig)

Fareweel tae aa oor island’s fame,
fareweel oor claims tae glory;
Democracy lives but in name,
for Parliament’s a story.
Noo saccharine and hollow speech
demeans a Premier’s station,
demarking Bozza’s pinchcock reach –
sic an arse tae prorogue aa the nation!

But sic a guile for mony years,
gained Empire’s greedy wages,
and is wrocht noo by a gang o fieres,
Late Capital’s bluff sages.
Tho Eton Rifles we disdained,
secure in Labour’s mission;
but Eton’s gamesmanship’s oor bane –
sic a farce tae prorogue aa the nation!

Auld Éire lang has seen the play
whaur Tories strut but sell us,
and Scotland sune must brak away
tho Tories tut and tell us.
For wi this shower we must not cower,
but mak oor declaration –
the UK’s soul is bought and sold,
sic a curse tae prorogue aa the nation!

3 thoughts on “New BoJos and AntiDemocracies: W.N. Herbert

Leave a Reply

Fill in your details below or click an icon to log in: Logo

You are commenting using your account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s